林泳淘大阪番茄麵兩食Oishii
無綫藝員林泳淘（Wingto）身形Fit爆，但原來她對食物相當有研究，每逢旅遊都會捐窿捐罅搵嘢食，去年她到日本大阪旅遊時，偶然試到超美味番茄麵，結果一試難忘，今年再到日本旅遊，亦特別住在該店附近，方便再次大快朵頤！
她說：「呢間舖頭全部都係食番茄食品，我本身唔係咁喜好番茄，開頭純粹見到佢紅色為主，我唔係好識日文，就過去望吓，結果發現竟然係咁好味！我會叫芝士味番茄麵，再混埋香草，好西式、好有Fusion感覺，有少少Pizza味添！好特別！」她大讚此店的食品味道很有層次，最後更可以加飯再撈湯，令她食極唔厭，她說：「呢度食完麵仲可以加飯食，仲有葱飯、蒜飯同配雞肉揀，撈完飯再飲埋啲湯，好滿足！即使係勁肥都要食晒佢！」
