利穎怡「天真」演技喪NG
花旦鍾嘉欣於無綫劇《飛虎Ⅱ》大結局被人挾持吊到半空，為怕發生意外，劇組安排有功夫底子的利穎怡（Joan）擔任嘉欣替身。Joan說：「我由細發明星夢，回流返香港輾轉加入無綫第26期藝員訓練班。好記得導師鄭丹瑞話過我係性格演員，因為我唔夠靚，所以畢業後第一年都係做替身。」
之後Joan開始於多套劇集演閒角，雖然戲份不多，但Joan亦大呼好玩。不過早前她於劇集《完美叛侶》演文員，卻一嘗失敗經歷，她謂：「王祖藍導師同我講過，每個角色有自己特色，所以呢套劇我設定自己個角色天真少少，但其實唔係劇組想要嘅嘢，可以講係咁耐以嚟做得最差一次！記得有場戲我同另一個女仔有好多法律對白，NG四、五次之後要cut機，因為唔可以over太耐，最後成場戲冇埋，對我真係打擊好大。」
姓名：利穎怡
出生日期：1987年8月15日
身高：1米66