心慌慌！郭思琳掛住支槍驚褲仔走位

由錢國偉執導的動作笑片《辣警霸王花》將於下月13日在香港、澳門及馬來西亞同步上映，片中新一代霸王花岑麗香、鄭欣宜、何佩瑜、崔碧珈及李元玲等，為任務失敗的前輩復仇，故電影由一眾上一代霸王花鄧麗欣（Stephy）、楊思琦、唐紫睿（Hazel）、Jessica C.（JC）、陳嘉桓及郭思琳等揭開序幕。

踢錯位小腿腫起

劇情講述眾女在泰國酒店泳池邊準備逮捕恐怖分子，思琦、Hazel、JC及思琳以性感比堅尼上陣，當中以JC出水芙蓉一幕最誘人，而飾演Madam「細方」的Stephy以背心配短褲，相對密實。期間，眾女與目標展開激烈槍戰，當時仍未拍真人騷《G-1格鬥會》的思琳及Hazel已見功架，甚有打女風範，穿比堅尼揸機關槍的思琳笑言難度十足：「呢部係我第一部要着泳衣又要打嘅戲，亦係我第一次開真槍，最擔心顧得上唔顧得下，好怕會走光！而且我着嗰對高踭鞋太大，每次踢完腳，腳趾都會褪出嚟，好容易拗柴！（有冇受傷？）同武指夾動作時踢錯位，小腿骨位腫到乒乓波咁大，導演即刻攞凍包幫我敷，令我受寵若驚！」

郭思琳首次開真槍，又要兼顧身上的比堅尼，難怪心慌慌！	唐紫睿（左）拍攝時比現在肥五、六磅，嫌自己太多肉。	湊女湊到有腹肌的楊思琦（左），與密實鄧麗欣各有睇頭。

唐紫睿呻多肉

至於Hazel笑指當時身形較現在有肉地：「嗰時肥得交關，冇咩運動，睇番啲劇照都好滴汗，起碼同依家爭5、6磅，反而JC就真係幾Fit，同埋楊思琦都幾好身形，生咗BB都Keep得好好。」她又指思琦有腹肌，思琦說：「原來我真係有啲，可能抱個女多，成日都用力！」毫不錫身的思琦又不慎掛彩整傷手指，她向來甚少拍打戲，故想盡力完成：「痛到好似冇咗手指咁滯！不過難得監製Charlie（黃永鋒）畀呢個機會，會盡量做！」

文：影視組