陳慧琳趁囝囝瞓覺同老公煙韌保濕

歌手陳慧琳（Kelly）、王灝兒（JW）、「四眼cue后」吳安儀、王曼喜等昨日出席護膚品牌活動。剛過四十四歲生日的Kelly透露，在家與兒子唱卡拉OK慶祝，囝囝唱生日歌及送吻，問到老公送甚麼？她說：「都係唱首歌，我都冇乜嘢想要。（感情點樣保鮮？）其實我哋依家仲好鮮，夜晚啲仔一入房我哋就會鮮，（會錫下？）梗係會，（唔喺囝囝面前做？）唔會，要有番爸爸、媽媽嘅風範，錫到成面濕晒。（咁係保濕唔係保鮮喎？）哈哈，前幾日唔小心喺啲仔面前叫咗老公個乳名，佢哋即刻問咩嚟（口架）！（老公乳名係乜？）唔講得，好嘔嘅，係昆蟲嚟，我乳名都係昆蟲，係一pair嘅，好少有嘅昆蟲，不過唔講。」Kelly又指自從兩兒子出世後，已沒有試過二人世界出埠，一直想成行，但放不下囝囝。