鄧詠雪全裸誘彭于晏對戲
擁有健康膚色的鄧詠雪早前成為黎明演唱會的御用Dancer，並大讚對方Nice爆，但卻自爆頭號男神其實是台灣爆肌男神彭于晏！更表示如有機會合作拍戲，不惜全裸演出！
前組合HunterZ成員鄧詠雪（Suetzi）擁有健康膚色、均勻身材及一雙煞食長腿，自然成為今期《東網Baby》之「索女玩曬」的主角！最近簽了新經理人的她除了接下澳門三間餐廳的代言人工作外，稍後亦會主力拍戲，更有意挑戰搞笑角色或演打女，她透露為做好準備，已向楊詩敏（蝦頭）學戲半年惡補演技。
男友要高挑幽默
舞技精湛的Suetzi早前成為天王黎明4D演唱會的御用Dancer，更獲欽點陪同掟花給觀眾！不過，原來她最愛的是台灣型男彭于晏：「可惜冇機會見佢，佢係我No.1男神！」談到有時角色可能要性感上陣，她笑言：「睇吓性感到咩地步。（極限係咩？）睇劇本點寫。（全裸？）睇吓個男主角係咪彭于晏，如果係可以考慮。」如此迷彭于晏，問到外形是否擇偶條件之一？她笑說：「最緊要係好笑同高過我！」
隨身攜帶防狼器
雖然Suetzi只得平板A Cup身材，但憑着長腿仍有大把市場，她則自爆被男狂迷在Facebook性騷擾近一年，不停收到對方傳來的性器官照片，最近更收到自慰片段：「好驚嚇！我本身喺街，見到即刻勁驚，差啲掟爛電話！（報警？）佢再進一步行動再算。」並指擔心對方知道其行蹤：「惟有出入小心啲，可能隨身帶防狼器。我依家都唔敢同屋企人講住，驚嚇親佢哋。」
Profile
出生日期：1990年2月15日（26歲）
三圍：32A、25、34
身高：1米70
體重：50kg
泳衣：Sukigi Swim
【https://goo.gl/Bp0hyQ】
文：音樂組
攝：劉斌