借錢逼除衫梁烈唯裸照瘋傳

上月宣布太太有喜的梁烈唯，當然要搏命搵奶粉錢，但他竟然搞到財困借錢，最後被迫影裸照兼在網上瘋傳！其實這只是無綫劇集《為食神探》前晚一集的劇情，唯唯以全裸姿態示人，只用兩隻手掌遮掩「小唯唯」，相當大膽，難怪播出後引起熱議。唯唯接受電話訪問時指當時有着一條很幼邊的內褲：「再用隻手遮住，效果出嚟係誇張嘅，有回響都開心！（咁勇？）我覺得冇乜所謂嘅，同埋我有着褲o架！」提到有觀眾暗指「小唯唯」一隻手遮得晒，唯唯神回：「我諗好多人正常狀態下都遮到嘅！遮唔到都Cut走啦！」