張智霖收佛珠笑靚靚孤寒

藝人張智霖（Chilam）前晚出席新車活動，愛車之人的他，自爆擁有最貴的一部車價值七位數，現時已歸於平淡，只有兩部家庭車。其身邊好友如郭富城都愛玩跑車，可有受引誘？Chilam笑說：「佢單身嘛！我啲好朋友有好多超級跑車，見到等於擁有咗，有咗家庭後少咗一個人單獨出去，有時間都陪家人啦！」

早前他送了名牌手袋給太太袁詠儀（靚靚），她是否送車回禮？Chilam鬼馬地說：「最好不過啦，不過佢好孤寒，我終於收到佢份生日禮物，係一串沉香佛珠，話有助睡眠，我都幾鍾意，因為我瞓得差，可能老咗！」中秋節他要在工作中度過，看到密集的時間表也想哭，直言人大了想有多些時間陪伴家人。