龐卓欣受網絡欺凌封最小器港姐
港姐龐卓欣（Ada）、莫可欣、歌手雨僑、藝人莊思敏和名模Cara G.等前晚出席Hidy N. G.春夏2017品牌時裝騷。即將卸任的Ada表示雖有不捨，但為可專注發展教小朋友唱歌、建立Blogger形象事業而感到興奮，揚言會繼續在網上分享煮食扮靚影片。
Ada又表示會將自己曾被網絡欺凌和減肥等經驗，與青少年分享，讓大家從錯誤中學習。問到曾發生甚麼網絡欺凌事件？她大爆：「選香港小姐時曾經被人喺Instagram鬧，話我冇攬Louisa（麥明詩），話我係最小器嘅港姐。」她指就算之後有相證明有攬對方，也照樣被罵，所以她想以自身經歷提點今屆港姐候選佳麗：「個人幾迷惘都要記得攬冠軍先！」她續表示與男友拍拖快將4年，婚事的進度亦十畫中有半撇，希望30歲前生BB。
內衣外披長袖衫 雨僑被列黑名單
同場的莫可欣透露8歲囡囡亦有來，問會否擔心囡囡早熟拍拖？她笑說：「唔會，我會睇住，我反而驚佢嫁唔出，因為依家啲女仔好似好難搵對象。」雨僑則自爆曾為一個內衣品牌行騷，可是因穿長袖衫在內衣外不夠搏，懷疑自己被blacklist，她說：「第二年睇番嗰個騷，佢哋搵番原班人馬，但就係冇我囉！」
文：名人組