林保怡 周家怡 遭起飛腳

藝人林保怡與周家怡出席中秋義工活動，與大班「老友記」合照。對於擔演的ViuTV頭炮劇集《瑪嘉烈與大衛系列　綠豆》成績不俗，保怡自爆「被飛出」續集，而家怡直言只是從工作人員口中得知有關方面正為續集選角。問到是否覺得被過橋抽板？保怡語帶雙關：「中國人傳統觀念上有咁嘅感覺冇錯，但我又接受西方文化。（日後仲會合作？）會，同你開咗個咁靚嘅頭，唔係諗住畀兩個月餅我就算數呀？」他又透露與家怡年底前會有好消息公布：「詳情唔講住，但我哋連監製都搵埋，應該寫緊劇本！（預埋廖碧兒？）佢好似好忙喎！」