苗僑偉碌Lane怕出醜

藝人苗僑偉、鄺美雲（Cally）及蘇志威等昨日出席《東華三院慈善保齡球大賽》，多年沒打保齡球的苗僑偉笑言整套裝備不知所終，為免出醜人前，本來打算在賽前惡補，可惜因塞車而遲了到場，沒有充裕時間練習。對於女兒苗彤擔任應屆港姐攝影師，他表示已看過該批照片：「OK啦！冇Out focus，影得幾特別。（唔叫佢選港姐？）唔係佢鍾意做嘅嘢，本身佢都有做製作、讀演藝同表演，亦有拍廣告同畀人拍，樣樣都做得幾好，幾全面。」談到太太戚美珍近日有新作上映，他笑說：「睇咗，畫面拍得唔錯，我支持佢繼續拍。（夫妻檔拍？）古仔會高難度啲，情節幾難搞喇！」