麥明詩貼心水 點少得好友(3)張寶兒

即將卸任的冠軍麥明詩大讚佳麗：「今年係高質難揀，自己留意咗好耐，心水係(2)、(3)同(6)。（撐好友(3)張寶兒？）大家係朋友，但佢表現都好自然。(2)劉穎鏇身材平均好上鏡，(6)馮盈盈係男仔會鍾意嘅類型，同埋睇到佢喺演藝事業有潛力。」談到前晚現身張名雅婚宴時點頭認分手，問到心情？她說：「幾開心！見到名雅有個好伴侶。（感觸？）冇咩，係覺得肚餓。（席上有律師朋友用術語撩你？）冇喎，好可惜。（點頭認分手？）係咩？依家係朋友。（林作唔認拍拖有唔開心？）之前答咗，自己冇理其他人嘅睇法。（覺得係男方要面先咁講？）冇去猜測，睇完泳裝心情好澎湃，有當年今日嘅感覺。（同Joe見面？）Joe？張名雅老公？（林作呀！）大家好多共同朋友。（再見面？）唔清楚。」