單文柔穩坐No.1
《東網巨星》Facebook推出的《港姐任你Like 2016》第二階段「拉票各出奇謀」正在火熱進行，截至昨日J單文柔（Phoebe）穩坐第一名位置，而其宣傳短片更獲網民留言盛讚拍得好！Phoebe直言要歸功幫手拍片的中學好友：「好開心咁多人Like段片，我段片花咗唔少心機，更有中學同學幫手，多謝佢哋！」
Phoebe昨日出席無綫《2016香港小姐競選》活動，因天雨關係無法落水玩「水上擂台」環節，她笑言過往曾贏得水運會名次，原打算一展所長，問她可感失望？她笑說：「唔會，平時游水好relax，如果今日游反而要顧及儀態，我淨係擺甫士都開心。」問到其泳衣似乎遮蓋其身材優點？Phoebe笑言正在努力收身，故留待決賽泳裝環節才騷身材。
