阿Sa咀完阿嬌讚好Feel
英皇組合Twins前晚在深圳舉行巡迴演唱會，全場爆滿，大會豪擲千萬打造全新舞台，並為Twins訂製一系列新裝。
期間，鍾欣潼（阿嬌）與蔡卓妍（阿Sa）登上離地30米的巨型吊環獻唱，英皇為安全計買下逾千萬保險，綵排時二人已驚到喪嗌，她們說：「高唔係最恐怖，一邊升高一邊傾斜轉動先最驚，好似玩緊機動遊戲咁。」而阿嬌獻唱《烈女》時，在升降台幾乎差錯腳跌倒，嚇到阿Sa瞪大雙眼，阿嬌說：「當時一心掛住舞步同唱歌，視線向前望，冇留意腳下，自己都嚇一嚇！」阿Sa亦揚言「嚇死」：「我畀晒眼神你，不過你唔望我。」至於全場高潮是二人當眾咀嘴，阿Sa大讚阿嬌好咀：「但呢啲嘢唔係單方面感覺嘛！哈哈！」阿嬌即笑言二人已咀了15年。
講結婚唉唉聲
演唱會期間，二人看到歌迷高舉寫着「同Twins白頭到老」的手幅即大為感動，阿Sa笑說：「但我哋老咗都唔會白頭，因為我一定忍唔到白髮，會去染囉！」開騷當日適逢舒淇公布婚訊，阿Sa說：「我心目中嘅女神結婚……真係會好有感覺！」阿嬌亦笑言心噏，問到將來會否像舒淇般突然報喜，二人即唉聲嘆氣說：「有先啦！唉！結婚好講嗰下感覺，有先再講啦，都未有。」
文：音樂組