陳展鵬重執乒乓球拍向運動員挑機

電視城昨日非常熱鬧，剛從溫哥華登台回港的藝人陳展鵬錄影無綫節目《為香港運動員再加油》時笑言劇集《城寨英雄》相當受歡迎，並透露今次與鄭嘉穎及王浩信同行，問到嘉穎是否不續約無綫？展鵬說：「好少講呢啲嘢，佢幾年前已經講江湖再見（口架）啦！世界就圓嘅，依家都好多人返嚟拍劇！」並表示未有到溫哥華探望鍾嘉欣。作為前乒乓球港隊代表的他，被問會否與運動健兒切磋一番？他說：「佢哋實讓我，依家水平高咗好多，可以就玩吓啦！希望佢哋唔好介意我着成咁！」

陳百祥狂食肥10磅

陳百祥出席無綫奧運節目期間推出的TVB fun「焦點項目激fun賞」頒獎活動時，表示整個8月密密食，因除了慶祝好友譚詠麟及王晶太太生日，又要慶祝與太太黃杏秀的結婚周年紀念，更食到肥了10磅！他透露有份參演的劇集《賭城群英會》將成為台慶劇。

唔講唔知，原來展鵬以前咁犀利！	有運動員乘機集郵，展鵬亦來者不拒。	一眾藝人與香港運動員合照留影。

劉佩玥生日「會情郎」

至於劉佩玥出席另一活動時，透露與胡定欣同日生日，正日會與《城寨英雄》一班演員度過。積極Keep Fit拍廣告的她被問會否叫緋聞男友伍允龍幫手加操？她說：「同陳瀅、何雁詩做運動。（陳瀅仲肥過你！）我同佢哋一齊努力！」

文：影視組