馮盈盈出「狗」招咬實單文柔
《東網巨星》Facebook舉辦的《港姐任你Like 2016》投票，第二階段「拉票各出奇謀」正式展開，佳麗發揮創意拍片段吸Like，至今暫時領先的是(10)單文柔，她得知後感謝大家投支持一票：「自己諗咗個概念就搵朋友幫我拍，去咗個好有香港特色嘅地方拍，希望大家畀多啲Like！」排名第二的是大熱之一馮盈盈，昨日落力拉票希望反超前：「今次出動兩隻寶貝狗，拍嗰陣佢哋好百厭，花咗好多時間先氹到佢哋望鏡，如果大家覺得條片搞笑就畀Like我，等我升上第一位！」緊守第三位則是第一階段「票后」(4)代蓮曦丹美。
張寶兒一日食七餐
至於10位候選佳麗昨日到銅鑼灣出席六福珠寶活動，試戴名貴首飾兼互投選出「最佳首飾演繹佳麗」，最後由(9)陳睿雯奪得，但她對得獎坦言感意外。而參選後愈來愈瘦的(3)張寶兒穿上露腰裝，坐低時竟凸腩，她說：「拍完日本外景返嚟覺得自己太瘦、好憔悴，所以依家增緊肥，一日食七餐，啱啱午餐仲食咗三個飯盒！（增肥係想上圍豐滿啲？）如果得就梗係好！」相反，(2)劉穎鏇積極節食減磅備戰，笑言羨慕張寶兒可以狂食。
網址：http://on.cc/MISSHK2016
文：影視組