朱盈盈勾魂眼累事慘被同性杯葛

有「嫩版李彩華」之稱的朱盈盈（Zenia）早前推出個人寫真月曆，大玩十多個性感造型，33C零贅肉身材及白滑肌膚電暈大批宅男Fans，粉絲們更狂讚Zenia的勾魂電眼無敵！

誤會發姣易惹桃花

但Zenia直言銷魂眼為她帶來不少煩惱：「好多朋友都話我對眼會放電咁，我冇刻意o架！都發生過誤會，試過有唔止一個男仔以為我撩緊佢，其實我只係集中望住佢講嘢，覺得咁係尊重，但佢哋就以為我鍾意佢，之後就追我，都幾麻煩！」

她更直認中學時代因太受男同學歡迎，被女同學杯葛：「佢哋話我發姣，做咩都睇唔過眼，連搽潤唇膏都畀人話！」入行後Zenia終發覺擁電眼的優勢，現正努力練習運用眼神：「我希望透過對眼同觀眾有交流，想對眼都識做戲，不過我仲要揣摩吓，之前拍李逸朗執導嘅網絡電影，佢話我眼神有時太銳利，叫我Soft啲，我會注意，唔想再唔小心射親人。」

朱盈盈	Zenia直言正努力學習運用一雙勾魂眼做戲。

外熱內冷唔急拍拖

雖然裙下之臣不斷，但Zenia卻已單身三年，難怪身邊好友都指她要求高，她說：「我眼神好熱情咁，但性格幾冷，唔係咁易鍾意人。（擇偶條件？）要呵護我、明白我，外形高過我就ok，想佢有男人味，唔要咁乸，但又唔使太大隻。」Zenia表示若30歲仍嫁杏無期，則打算趁青春「雪卵」：「我覺得點都要生小朋友，雪卵令自己安心啲，之後就疊埋心水唔急拍拖，想揀啲好嘅基因，希望仔女聰明啲。」

Profile

朱盈盈（Zenia）

年齡：25歲

身高：1米66

體重：46kg

三圍：33C、24、35

簡歷：擁大學學歷、八級鋼琴資歷

2013年中國小姐香港區冠軍及全國季軍，曾參加2013年亞姐及2015年環球比堅尼小姐大賽

拍攝過電影《單身男女2》、《唐伯虎衝上雲霄》及網絡電影《神探茄喱啡》

文：立影

攝：劉智源