糖妹預告攬錫歌神
糖妹昨日出席迷你音樂會活動，有機會擔任「歌神」許冠傑演唱會嘉賓的她說：「如果係，我即刻(舌累)飯應！我之前同過佢一齊表演，同佢講：『我好想做Sam's Angels，不過你第一年有Sam's Angels時我太細個，如果有機會做我會好努力。』所以我希望係真。（佢鍾意錫Sam's Angels。）咁我會回吻、擁吻佢。」
提到現場有啤酒飲，糖妹稱：「我呢兩年學識飲酒，覺得大家一路食嘢一路聽歌會好開心，希望香港可以搞多啲呢啲活動。（你酒量點樣？）唔OK，飲兩杯啤酒已經開始動作慢。（飲醉會點？）會遲鈍啲，同埋會笑。」