鍾楚紅要做揸弗人
大美人鍾楚紅（紅姑）昨日出席AMOREPACIFIC x 鍾楚紅「雨前．一刻」旅程慈善企劃發布會，暢談在韓國濟州島拍攝的苦與樂。她笑言行程緊湊得令她重拾以前拍戲的感覺，問到會否因此有意復出拍戲？她笑說：「我拍嘢好過，控制權喺自己度。」
另外，紅姑日前與37年前在電影《碧水寒山奪命金》的劉松仁、杜琪峯導演及幕後人員聚會，獲網友大讚保養得宜的紅姑謙稱劉松仁才是凍齡代表，問到杜琪峯可有趁飯局邀請拍戲？她自嘲：「冇，我咁嘅狀態。可能佢怕咗我，我拍佢嘅戲時NG咁多次！（當時佢有冇鬧你？）冇，當時我係新人，點會鬧？」