港姐精靈返港馮盈盈趕食住家飯

10位候選港姐前晚完成福岡外景回港，雖然舟車勞頓，但一眾佳麗依然保持精靈靚樣。單文柔被問到拍攝外景，會否感到疲累？她指每日都有休息時間，所以感覺還好，目前最想補眠及與家人吃飯。她表示宣布入圍10強後，翌日就飛往日本拍外景，所以仍未與家人分享喜訊，而此行與蘇韻姿、劉穎鏇及張寶兒等佳麗變得熟落，雖然三人性格不一，但走在一起就會變得搞笑。
馮盈盈搵男友做柴可夫，趕返屋企食住家飯！
馮盈盈搵男友做柴可夫，趕返屋企食住家飯！

而馮盈盈被問到男友為何未有前來接機？她呆了一呆，然後說：「其實佢嚟咗，轉頭會合佢。」她表示很想念家人，所以要立即回家吃「住家飯」，問到男友是否做「柴可夫司機」？她說：「平時都係爸爸接嘅，不過佢今日得閒！（幾時同男友撐枱腳？）等大家都得閒先，依家要備戰！」至於劉穎鏇表示即使拍畢外景亦不敢吃太多，仍要為減肥努力。

劉穎鏇（左）同蘇韻姿笑住出閘，精神奕奕。
  • 劉穎鏇（左）同蘇韻姿笑住出閘，精神奕奕。