掟完1.1億築愛巢祖藍又買3,700萬豪宅氹媽咪
藝人王祖藍自2015年迎娶李亞男後，事業愈來愈旺，頻頻接演內地真人騷兼加入邵氏電影公司，做其中一位統領，身家當然也愈來愈豐厚！而他亦深明投資之道，近年頻頻買磚頭保值！
早於2013年已豪擲逾1,300萬元購入大埔雅景花園洋房的王祖藍，繼去年豪花逾1.1億元購入大埔逸瓏灣II特色戶後，日前再擲逾3,700萬元購入同屋苑另一個連花園單位。據土地註冊處資料，王祖藍以3,706.9萬元連車位購入屋苑一個低層連花園特色戶，單位面積1,696呎，花園有928呎，呎價約21,857元。以現時樓按最多五成來計算，王祖藍於短短一年時間，便要拿出至少7,350萬元現金買樓，認真有米！
「之後辛苦啲囉」
記者致電「又」榮升業主的王祖藍，他表示只是樓換樓：「我會樓換樓，會放售雅景花園。（放咗未？）依家仲係放售期。（睇好香港樓市？）呢間主要係買畀媽咪，想大家住近啲，所以樓市升跌都會買，住得近開心啲。」一年內能騰出逾7千萬現金絕非易事，王祖藍笑說：「努力工作，最緊要開心，之後辛苦啲囉！」