Lea T. 34C自信爆棚向VS模進發
擁有34C上圍的斯洛伐克索模Lea T.從不吝嗇騷身材，並經常為內衣品牌擔任模特兒，她非常滿意自己的「胸器」，甚至覺得太大，她的最大心願是衝出國際成為Victoria's Secret的內衣女模。
Lea T.對自己的身材信心十足，在社交網站Instagram的性感照多得令網民流一地鼻血。不過，相比性感，Lea更喜歡別人以sporty來形容她，她指拍性感相全因工作需要，並笑言對性感的定義跟香港人不一樣：「香港人鍾意大胸，覺得大胸就係性感，但我唔認為係，我好滿意自己個胸，有時甚至覺得太大，因為做內衣騷嘅時候，個胸都會跑出來。」喜歡做內衣騷的她解釋：「因為無論係髮型定係化妝，都會整得好靚，好有女人味，我嘅心願係成為Victoria's Secret嘅模特兒。」
半裸濕濕碎
至於會否有意推出寫真？Lea表示對於本地(口靚)模出寫真的風氣不太明白，更帶笑反問：「係咪真係有人買o架？」她稱早在19歲時已拍過全裸照，揚言只要有好的攝影師，影甚麼也可以，即使半裸也是濕濕碎：「喺歐洲嘅沙灘，個個都係半裸上身曬太陽，好平常，我覺得人嘅身體係好天然，應該要對自己嘅身體覺得舒服同自信。我真係好唔鍾意着bra，但我喺香港如果着住件白色t-shirt而唔戴bra出街，啲人就會望住我，覺得我好似做錯事咁，但我其實係冇裸露身體任何一部分。」
文：名人組