薛家燕授徒積福 徐小鳳封偶像
藝人薛家燕前晚以印度西施Look出席其藝術中心舉行的大匯演，好友徐小鳳、馮素波、黃淑儀及范振鋒等撐場，胡琳及王梓軒擔任表演嘉賓。一身珠光寶氣的家燕笑言是「朱義盛」：「人值錢、高貴就得！」她透露韓國女團CLC成員莊錠欣、電影新星陳沛妍及演出劇集《一屋老友記》的陳偲穎都是她的學生，她與學生講心不講約：「開辦呢間中心係希望薪火相傳，要報恩就會搵我，唔搵咪算囉，做好件事積咗福。」
一班學生在匯演上扮演家燕的童年及其飾演過的角色，徐小鳳說：「專登嚟支持家燕姐姐，佢係我偶像，我哋係一齊長大。」剛做完香港演唱會的小鳳姐未決定會否搞巡演：「畀我瞓夠先啦，依家仲未醒，好似做咗刺激運動，唔似做歌手，似運動員多啲。」她稱也有睇奧運，最留意乒乓波及羽毛球比賽，對林丹與李宗偉一場激鬥？她笑說：「嗰時我瞓緊覺，我呢啲年紀要瞓覺。」