張敬軒Sing戰 視路芙假想敵

昨日張敬軒、泳兒及羅力威以嘉賓身份出席「2016《麥王爭霸》全球廣東歌歌唱比賽香港唱區十強選拔賽」，大會即場宣布軒仔以明星參賽者身份出戰爭霸，而參賽者不乏圈中人，包括已成功進身十強的前新城DJ路芙及瑪姬。軒仔在香港樂壇發展14年間獲獎無數，但他卻謙稱：「希望唔係首輪比賽就被foul走啦！（你可以飆高音喎？）我想反高潮，唱低音。」

讚勁敵啱key

軒仔指暫時未知其他地區的對手，但香港選手方面，就視非歌手的前女DJ路芙為假想敵，大讚她說：「佢唱男仔key仲好聽過我，好strong，同埋佢係好出色嘅主持，對舞台嘅氣氛控制得好，唔係唱得好就得。」問到酬勞是否很可觀？軒仔指未與主辦單位談價錢，但有親情分，因他未發迹前，主辦之一曾給他很多機會：「喺我嚟香港發展之前，睇住我大，前幾年我喺廣州開錄音室都係想培育人才，但之後都冇咗，咁就諗不如今次令更多年輕人參加呢個比賽，通過同我比併，令佢哋有發光發熱嘅機會，酬勞就唔諗o架喇！」

路芙獲軒仔大讚啱key，令人期待兩人鬥歌。	前DJ瑪姬主持開電台節目，唱歌會唔會被考起呢？	張敬軒（左起）有泳兒、吳雨及羅力威打氣。

參賽冇包袱

問他以一線歌手身份參賽可有輸贏的包袱？軒仔在電話中說：「我從來未參加過呢啲內地歌唱比賽或真人騷嘅節目，我只係想透過比賽過程學到嘢，同埋想以自己嘅身份推動有才華、有夢想或成功人士，追夢唔好嫌遲，放低自己嘅思想束縛去追求自己鍾意嘅嘢。」他指當職業歌手多年，已經在「安全區」內，似乎信心十足。

同場的泳兒為第四季比賽的冠軍，問到有何貼士給軒仔？她指軒仔做自己就可以，當年她參加比賽時，軒仔亦有支持她，故望好友得冠軍。問到羅力威可會再參加比賽？他笑說：「有得表演，任何形式我都歡迎！」

文：音樂組