諸葛紫岐生日 老公扮麵包超人送驚喜

諸葛紫岐（Marie）前日生日與家人及十多名好友在深灣遊艇會搞生日派對，往年生日在外地度過，今年首次在港，老公薛嘉麟為氹她開心，派對現場以她最愛的麵包超人主題作布置外，切蛋糕時，薛嘉麟與兒子扮成麵包超人出場，令Marie大感驚喜！平日官仔骨骨的薛嘉麟更不惜即場獻舞，並攬着老婆錫錫，大晒恩愛。

父子檔跳舞

談到生日驚喜，Marie說：「初時以為係職員推門攞蛋糕入嚟，原來係老公同韜韜扮麵包超人，兩父子跳住舞手拖手入嚟！我都忍唔住猛話：『發生咩事？』初時大家都呆咗，之後場面好混亂，因為大家開始醒覺要影低，瘋狂影相、拍片！老公當時都有問開唔開心？我答：『好開心，Very good！』」

身為CEO的薛嘉麟錫諸葛錫到燶，扮麵包超人氹老婆。	生日派對以諸葛最愛的麵包超人作布置。	諸葛紫岐當眾咀薛嘉麟，原來當年結婚都冇公開咀㗎！

今年Marie獲不少好友為她慶生，已吃了超過十個蛋糕，又收到不少心意禮物，生日願望希望自己和家人都身體健康，Marie說：「健康同快樂係錢買唔到。（老公送咩畀你？）佢送呢個咁大嘅驚喜，我已經好開心啦！」

一腳踢落床

對於老公的窩心安排，Marie破例公開獻上「肉嘴」回禮，笑言：「我平時好Man，就算我結婚時有好多親友要求，我都冇公開錫老公！今次我真係好開心，所以破例喺咁多朋友面前錫佢，佢冧到爆！（老公咁錫你，下一世都要佢做你老公？）哈哈！你問番佢啦！今日咁感動，呢個決定權就交畀佢啦！（今晚有麵包超人老公陪你瞓？）哈哈！如果老公繼續呢個打扮，我一定會踢佢落床，我有潔癖！」

文：名人組