周柏豪灼傷手自嘲低B

歌手周柏豪昨日偕連詩雅、許廷鏗及陳柏宇等出席活動，見柏豪左手包着紗布，他解釋日前工作時不慎灼傷：「其實好小事，冇睇醫生，不過又腫又起晒水泡，怕人哋以為我做乜嘢，所以先搵紗布包住。」他不忘自嘲：「諗住好彩係傷到左手，但諗真自己係左撇子，覺得自己好低B。」
周柏豪負傷出席活動，好拍檔連詩雅有冇呵番？
周柏豪負傷出席活動，好拍檔連詩雅有冇呵番？

至於許廷鏗的七人車早前在交通意外中被撞毀，問到賠償問題，他透露已進入司法程序，未有結果，正考慮租車代步。而陳柏宇將於9月到布拉格為新碟錄音，但不准女友同行：「唔畀佢去啦！佢已經去咗好多旅行，今次我係去做嘢，佢嚟埋我嘅心情會有影響。」

早前炒車的許廷鏗，考慮租車代步。
  • 早前炒車的許廷鏗，考慮租車代步。