蒙眼都認出手臂 劉佩玥 伍允龍 奉旨錫錫
緋聞男女伍允龍與劉佩玥昨日出席熱播劇《城寨英雄》之「比武招親擂台」活動。二人齊齊着紅色裝束襯到絕亮相，玩遊戲時，他們用腹部夾波顯默契，而伍允龍「公主抱」劉佩玥，又隔手掌錫錫製造Sweet爆畫面，劉佩玥蒙眼認人時，更秒速認出男方的麒麟臂。
對於再以情侶裝出場，伍允龍笑指家中只有綠色和紅色衫，劉佩玥聞言即大笑：「你有啲牽強！」問到是否拍拖，伍允龍否認：「係好朋友，好彩有佢喺電視城帶路，介紹好嘢食，同我傾偈，所以好開心。（有機會發展？）我同好多人都好開心。」問劉佩玥會否考慮拍拖，她即扯開話題，又指現時學泰拳，問何不向男方拜師，伍允龍即說：「學拳一定辛苦，No Pain No Gain。（整痛佢會心痛？）拍劇時成日整到佢，啱啱行過都踢咗佢一腳！」至於會否開戲給劉佩玥，伍允龍自言在公司不管資金，但會提議一下，期間劉佩玥輕力拍其背脊，公然打情罵俏。
