鄧鉅明遊阿拉斯加 捉三文魚

鄧鉅明與太太宣宏雁前晚出席旗下尖沙咀太子集團中心舉行的餐廳「QI」開幕酒會，鄧生透露該餐廳是第一間租其集團中心的餐廳，當然要撐場：「太太好鍾意食四川菜，我當然以太太口味優先，而且又係米芝蓮一星。」鄧太對此餐廳的四川菜讚不絕口，被取笑是美食家，她說：「我鍾意同朋友食美食。」在旁鄧生即笑言：「你睇我身形就知。」

象牙雕塑冇得賣

此外，鄧生鄧太早前與朋友一行廿多人到阿拉斯加坐郵輪玩足十多日，鄧生表示最難忘落水活捉野生三文魚：「o的水好清，好多三文魚，好大條，有十磅八磅。（即場食？）我捉到後立即放生。」此行主要睇風景為主，鄧生笑言：「今次銀包冇壓力，因為冇乜點shopping，亦冇咩名牌買。」鄧太反被當地手工藝品吸引：「有間工藝品入面有個野生大象牙雕塑，有2至3個人咁高，老闆話唔賣，話等佢死o左後會捐去博物館。」鄧生笑言旅行充電完畢，現要全情投入工作，搏命搵錢。

鄧鉅明難忘活捉十磅三文魚。	鄧生與鄧太被阿拉斯加當地的手工藝品所吸引。	朱光文與太太Christy表示餐廳以新派川菜為主。

朱光文9月再開店

餐廳老闆朱光文（Peter）透露做餐飲業已七年，公司旗下共有四間餐廳，今次首度在九龍開店，九月將與廚魔合作開韓國餐廳。

文：名人組