歐詠珊高球小腰精揮走壓力

擁有22吋纖腰及42吋長腿的模特兒歐詠珊(Janice)外形甚有韓妹感覺,卻是百分百Made in HK,她自小被母親薰陶愛上打高爾夫球:「細個上Golf車個感覺好好,風景又靚,之後媽咪就栽培我打波,每次揮桿就冇晒壓力!」不過皮膚白滑的她最怕曬太陽,因此夏天要避暑轉玩室內運動,如打泰拳及瑜伽。

身形纖瘦的Janice究竟有何減肥秘訣?她說:「係家族遺傳,媽咪都較瘦,以前得90磅,我最滿意自己係條腰,秘方係每晚做Sit Up,瞓喺度提腿仲有效!」