蔡潔後巷親熱請王宗堯睇

藝人蔡潔、譚詠麟(阿倫)、陳小春及蔡瀚億昨日出席新片主題曲MV首播會,蔡潔直言未睇過新片製成品,又稱與蔡瀚億在後巷上演激情動作戲,她笑言已邀請男友王宗堯入場睇戲,又唔怕對方睇到眼火爆:「佢同蔡瀚億相識在先,感情好過我!(之後避拍親熱戲?)大家工作獨立,互相尊重。」提到日前王宗堯在網上晒出與她在浴室梳洗的「親密照」,問到是否同居?她說:「佢想多謝風筒同洗面機贊助商,我咪幫佢一人用一個。(朝朝共用浴室?)唔係,有獨立空間。」她又稱已見對方家長:「我對當晚飯菜好滿意同開心。(帶女婿返去見父母?)未係。」

同場即將生日的阿倫獲現場粉絲送上蛋糕提前慶生,他又與小春獻唱電影主題曲,談到歌詞提及「想做影帝」,問到阿倫生日願望會否希望當上影帝?他笑言唔敢諗:「戲種難少少攞到。」小春亦稱想當影帝:「我梗係想!」