翁嘉穗靜待細水長流愛情‧走糖
港姐冠軍翁嘉穗，很小的時候母親已過身，所以自小已憧憬組織自己的家庭。1999年，她下嫁年長近20年的海馬集團老闆鄔友正，現育有兩子。自知年紀比太太大一截，鄔友正近年十分注重健康，為的是陪太太走更長的路，更已為她計劃好「將來」的生活，確保她生活無憂。沒有甜言蜜語，但這已是翁嘉穗得到最無私的愛！
1997年的翁嘉穗才23歲，還在加拿大讀書，那時候選美是盛事，無綫會派員到外地招攬，翁嘉穗獲同學提名，若入圍就送機票返港參選，她笑言當時純粹被那張機票吸引：「我覺得參加冇壞，可以學吓嘢，如果當年冇參選，我諗我會做銀行。」以玩票性質參選，無心插柳摘冠，她自覺性格不適合娛樂圈，所以當選後認識了丈夫鄔友正，拍拖不久便結婚，翌年誕下長子鄔謨雲，孻子鄔謨風今年才剛滿一歲，兩子相差15年。
信任老公唔使Check
丈夫家境富裕，嫁入豪門可有壓力？翁嘉穗說：「我先生白手興家，唔係公子哥兒，而係自己捱番嚟，佢好慳o架，啲衫會着好耐！奶奶好隨和、好錫我，完全冇問題。」當年結婚一切從簡，她希望結婚20周年時可以再拍一次婚紗照。談到兩夫妻的相處之道，她笑言都是老生常談，不執着、多包容：「佢都有啲脾氣o架，我就出名冇脾氣，朋友成日笑我，話啲仔梗係唔驚我啦！話我鬧人咁細聲，但我覺得已經好大聲，大聲到有啲喘氣，我唔係好夠氣，哈哈！我後生都有團火o架乜都拗一餐，不過次次拗完都發覺佢講嘅嘢係啱，後來咪聽佢講囉！佢都係為我好啫！（擔心老公有飛來蜢？）佢唔會，佢身經百戰，知道有嗰啲問題好煩。（好信任佢？）我唔會Check佢，我唔係呢種人！」
雖然擁有做「少奶奶」的條件，但翁嘉穗喜歡工作，自薦幫丈夫發展業務，主要成立副線，走生活品味路線，也有為公司旗下店舖引入精美碗碟及香薰等，成功令公司形象年輕化。她透露丈夫在工作上給她很大自由度，讓她發揮，很尊重她。
為家人計劃將來
鄔友正處處疼愛，問到多年來最感動的事，翁嘉穗微笑說：「佢個人比較靜，唔係咁多甜言蜜語，最欣賞佢好叻，家庭觀念好重，亦係一個好有計劃嘅人。佢成日鋪排定佢走咗之後嘅嘢，確保我將來生活安好。」她指丈夫十分注重健康，吃得清淡，沒鹽沒糖，又學詠春強身健體，為的是跟她有更多時間在一起，走更長的路。年輕時，我們都追求轟烈的愛情，經過歲月洗禮，留下來淡淡的愛，才能細水長流！
文：Ada Lam
攝：張福宏