譚嘉荃SheShe入Love Hotel
歌手譚嘉荃（Amy）早前與朋友到台灣旅行，除大吃大喝外，她更走到郊區親親大自然，不過此行驚險萬分，令她十分難忘！她說：「我哋喺山上租咗間民宿，點知可能因為太過郊區嘅關係，出面好多飛蟻，廁所又要行出去先有，結果我哋成晚唔敢去，涼又冇沖就過咗一晚。」
Amy表示由於翌日要回港，故與朋友臨時找了一間酒店，打算沖涼梳洗好便出發往機場，豈料被酒店職員以奇怪目光打量，她說：「我同個女仔朋友搵咗間酒店，個職員用好奇怪目光望住我哋。點知原來係一間Love Hotel，所以可能佢好奇怪我哋兩個女仔嚟！（正經嘅？）正經嘅！事後我哋上網Check，原來係台灣數一數二，所以都專登影相紀念吓。」
