黃紫盈上山下水探索自然奇觀

黃紫盈全副裝備暢遊阿根廷的伊瓜蘇瀑布！

星級主持黃紫盈（Connie）近日走到世界各地拍攝旅遊節目，一手包辦大小事務，如編排行程及資料搜集等，她透露今次所到城市是從未去過的地方，令她大感興奮：「其實去咗幾個國家，不過呢一次就係去咗南非同阿根廷。我哋喺南非去咗卓山，呢個係世界七大自然奇觀，其實仲要搭纜車上去，如果天氣唔好冇得上去o架！好在嗰日藍天白雲，我仲即刻影番幾張相留念添！」而她更接受當地傳媒訪問，認真揚威海外！

瀑布玩衝浪

及後Connie到位於阿根廷的伊瓜蘇瀑布，一嘗衝浪滋味，她說：「其實呢個瀑布係喺一個公園入面，你上到去睇風景嘅話，可以睇巴西同阿根廷景色，不過因為阿根廷風景佔四分之三咁多，所以我就由阿根廷去！你可以選擇搭船或者搭車去，真係好值得去！」

到南非拍攝，黃紫盈欣賞自然奇觀！	黃紫盈接受當地傳媒訪問，夠晒面子！	黃紫盈Chok甫拍照，十分搞笑！

Connie自爆今次到南非旅行，收到不少朋友的「溫馨提示」，不過她坦言要消除大家的誤解：「好多人以為南非好危險，不過其實真係唔係，我喺嗰度食咗好多好嘢，南非地方又乾淨，大家唔好有誤解啦！」

文：專案組