湯洛雯告別小女生演出成功感

前香港小姐湯洛雯最近獲得不少演出機會，繼處境劇《愛．回家》、主持《學是學非》後，劇集長拍長有，在早前播出的無綫劇《完美叛侶》中亦戲份多多，飾演暗戀黃智賢的角色，湯洛雯笑言讀書時也試過暗戀學長：「初時暗戀佢，之後佢又對我好好喎，大家情投意合，但我發現咗佢有女朋友，於是就唔再同佢聯絡，好抗拒花心男。」

成熟男？睇緣分！

《完》劇中黃智賢是湯洛雯的姐夫，但家姐逝世多年，湯洛雯與姐夫相依為命，負責照顧起居飲食及日常生活，並漸漸互生情愫，問現實中湯洛雯會否喜歡成熟男士？她說：「我係個大細路，以為需要一個成熟啲嘅男仔，但結果出嚟唔係嗰樣嘢，依家唔會定界限，睇緣分安排。」

過往湯洛雯戀愛大過天十足小女生，但她坦言目前更想專注事業發展：「拍劇之後好享受演繹唔同角色嘅挑戰，以前有人讚靚女會好開心，依家反而睇重人哋留意我嘅工作，好似之前《火線下的江湖大佬》飾演年輕版陳煒，觀眾讚我做得好好，覺得好開心，好有滿足感！」

從前戀愛大過天，現在的湯洛雯學懂平衡。	放大圖片	湯洛雯減磅後回復苗條身形，連工作也漸漸上軌道。

文：影視組　

攝：張福宏