許雅婷難忘生日遭管理員驅趕

組合少女標本最近推出新歌《Sugar Free》，提醒大家拍拖要記住當中的甜蜜。她們亦指「Free」其實是跟「Three」玩食字，代表她們正式以三人姿態發展。講到拍拖難忘事，許雅婷（Kabby）表示有個既甜蜜又生氣的生日：「本身以為冇驚喜，但到咗嗰日男朋友打電話叫我開門，一開就見到門口排咗一支支蠟燭，排到去(車立)口，跟住我撳(車立)落去，有個管理員上嚟話咁樣好危險要趕我走，但其實個蛋糕喺樓下，於是我就係咁講對唔住，所以嗰時係sweet得嚟又好嬲。」袁紫僑（CoCo）則自稱易氹，小小心思已覺很sweet。