余文樂女伴1米80南非籍索模

藝人余文樂日前被影到駕駛價值約200萬的新車到中環夜場玩，與場內一名火辣的外籍女子密密傾，之後更一同直落到銅鑼灣食拉麵醫肚，似乎樂仔最近換了新「口味」！原來該名索女Janine Claase現年23歲，是南非人，屬模特兒公司CalCarries旗下的模特兒，據知她目前在港就讀藝術學校。Janine樣子精緻，擁1米80高挑身材，她不時在社交平台上載自拍照及工作照，亦曾上載不少香港風景、大自然、藝術品及郊遊相片，似乎動靜佳宜！她在留言中透露居港八年，已獲得香港永久居民身份證，當香港是她的家。問到與樂仔的關係？Janine說：「識咗佢3年，大家有共同朋友。（拍拖？）我哋係朋友，不過我相信佢將來會搵到個適合佢嘅女仔。」