怕醜衛蘭拍拖請教妹妹

怕醜的Janice笑言唔敢望鍾意嘅男仔。

Janice透露以往拍拖未試過一段情超過一年：「反而妹妹衛詩啲感情好長，段段都有三、四年。（你要檢討自己？）我有呀，唔知係咪未Ready？可能我仲係捉摸緊究竟自己鍾意咩類型嘅男人啩。」並指擇偶不在乎外形，最重要投契，個性怕醜的她又笑言不會主動追男仔：「如果我鍾意一個男人，我連望佢都唔敢，所以就算鍾意佢，佢都唔會知。」自小喜歡唱歌的Janice笑言從未打工：「我有好奇諗過唔做歌手，可能會做一份朝九晚五嘅工，或者做廚師，我諗會幾好玩。」

• Janice坦言已三年冇拍拖。