黑洞舞士城城帶觀眾宇宙歷險

多年來城城演唱會不斷突破極限，今次依舊不惜工本，以5,000萬打造紅館史上首個「智能舞台」，從平面化為立體，官能享受必定令觀眾為之驚嘆！城城稱今次主題構思來自宇宙黑洞，喜歡黑洞具有神秘、巨大、深不可測的能量，演唱會除了來自黑洞的「黑舞士」，更有探險、盜墓及電影元素，城城說：「有Part係講花果山嘅Monkey King、動物世界，有啲訊息想帶出嚟，仲有類似潛艇，可以話上天下海，尤其歷險盜墓環節，會配合動畫呈現出嚟。」

變大笨象保護市民

至於台上造型同樣不簡單，由英國青年設計師操刀，城城說：「動物嗰Part，會利用3D打印技術射印落件衫度，等大家視覺更具立體感。」問到會扮哪種動物？城城笑言想做「大笨象」：「拍完《寒戰2》覺得自己好穩重，好似好有身份同地位，要保護香港市民嗰種，而大笨象就夠晒分量同善良。」談到「上天下海」，問城城會否飛天？他笑說：「最想喺空中飛，但視乎飛到幾高，如果有一種嘢能夠令我飛，我都好想試，會『無極限』去到盡。」又預告第二部分「好Amazing」：「大家會有驚喜。（真係飛？）如果講緊一個嚟自黑洞嘅舞士，喺黑洞度慢慢出現，任何不可能嘅嘢都會發生。」

放大圖片	放大圖片	城城本着「舞士精神」，揚言要跳到跳唔郁為止！

城城更特別租片廠搭建一比一的巨型舞台來排練，他承認多個部分都頗危險：「因為要同啲大型道具配合，跳舞過程要練習，有機會失手，失手就危險喇。」他解釋智能舞台的每個組件有限定承托重量，故每次承托的人數及走動時間都要精確計算，否則超出重量便非常危險！

演唱會蓄勢待發，各位Ready跟住城城上山下海未？

城城舉手投足都流露巨星氣勢。

香港驕傲衝出世界

熱愛舞台的城城自言從未為「舞齡」設期限：「跳到就跳，依家點諗到將來，當然人唔係機器，年紀大好多（動作）做唔到，體能極限可以推到幾多咪幾多囉！等於四年前跳彈床，我都唔知得唔得，咁做過喇，知道仲受埋傷，咁唔做啦，做第二樣，再危險啲添，同佢搏命！」演唱會玩命又揼本，似乎已是城城的招牌，他說：「其實開會時我都有疑問，點解要用咁多錢堆砌喺舞台度，我諗製作團隊都熱愛呢個舞台，就係鍾意將不可能變成可能，希望唔好丟香港人嘅架，將舞台行出去全世界！」

文：音樂組　

攝：張福宏