劉佩玥搞亂檔拋窒陳煒

劉佩玥自認食家，擁有「金舌頭」試勻各種口味。

藝人陳煒與劉佩玥（Moon）昨日於灣仔出席「myTV SUPER名廚到會美食博覽2016」，近日為無綫飲食節目《煒哥的味道》擔任主持的陳煒即場「大廚」上身炮製雞絲冷麵，Moon則充當小助手負責「執頭執尾」，兩人表現得有板有眼。擔任司儀的陸浩明一度想為陳煒綁圍裙獻殷勤，怕被搶鏡的Moon即阻止對方：「你唔好咁失禮人啦！」席上，Moon透露自小被父母封為「金舌頭」，皆因最叻試味：「我喺屋企通常負責食，佢哋話我試味試得好準！」

被催覓男友練廚藝

事後，Moon受訪時笑言今次到場主力「搞亂檔」：「我喺度影響吓陳煒。（陳煒話你唔夠佢節目拍檔張致恒咁搗蛋？）呢度係咪用明火？我驚見到火就會想拋鑊！」問到曾否為男友下廚？Moon急急否認，身旁的陳煒聞言即搞笑催促她要快點找個男友以練習廚藝，Moon苦思後表示曾為中學男友炮製便當及沙津：「我煮過畀父母食，以前仲整過沙津同便當畀中學男朋友。」

劉佩玥笑言「煮」要嚟搞亂檔，好彩陳煒冇受影響！	劉佩玥搶住為陳煒綁圍裙，搞到陸浩明勁冇癮。	陳煒御夫有術，靠下廚箍實老公個胃。

至於陳煒笑言經常下廚「餵飽」老公：「我咩都煮畀佢，咁多年佢咩都食過啦！」談到演而優則「煮」，還於節目中一舉升格做「主廚」？陳煒謙虛地說：「主廚？要煮嘢嘅主持啫！節目唔係全部關於煮食，仲有介紹其他地方嘅美食。」

文：影視組