青雲嗌抖抖70歲再晒鞭
影星劉青雲、古天樂及彭于晏前晚出席動作電影《危城》的慈善首映禮，英皇老闆楊受成夫婦到場支持寰宇老闆林小明。青雲在戲中舞長鞭又有不少動作戲，問到會否考慮再拍？他笑說：「短時間唔會！（年紀大啲先拍？）係呀！70歲左右！」5月從內地西雙版納拍完戲返港的他透露當地氣溫高達37度，劇組要為他準備防中暑藥，又指宣傳期結束後將休假，被問是否為了搞新居裝修？他說：「裝唔裝修都休假，我鍾意放假！」
彭于晏被嫌長氣
古天樂同樣希望宣傳期後放假與家人旅遊，已三、四年沒與家人去旅行的他說：「時間要考慮，搭長途機又係問題，想去啲未去過嘅地方但又唔識，去得多嘅地方又畀人投訴！」他透露曾向青雲請教看動物大遷徙，但得知要預早一年預訂而放棄。至於彭于晏不時與港星合作，問到為何不好好學廣東話？他說：「下次會好好學。（不向青雲及古仔學？）因為我話比較多，他們都聽，冇時間教我！」難怪青雲與古天樂早前接受專訪時，古天樂透露最怕與彭于晏一齊做訪問：「佢好長氣，一條問題答三分鐘。」
文：影視組