Clara嗒古仔糖試愛？Far Away！

韓國女星Clara日前行色匆匆訪港，宣傳有份客串的電影《使徒行者》。戲中扮演Sexy Killer的她以火辣泳裝登場，化身「韓版史嘉娜祖漢遜」追殺古天樂與佘詩曼，氣氛緊湊。談到與古天樂演對手戲，Clara對這位型男讚不絕口：「我當然知道佢係人氣男神，所以開工之前嗰晚緊張到瞓唔着！碰面初時覺得佢好認真、比較少說話，但相處落佢就好Nice。拍動作戲當然有危險，但佢保護我，好Gentleman又細心，仲Lead住我做戲，令我好安心。」

恨留港闖影壇

Clara未有否認古天樂是心目中的理想類型，當得知對方仍是單身時，她毫不造作地做出一個「得米」手勢，非常搞笑！不過她以英語補充：「It's too far away！」似沒有信心維持遠距離戀愛！對香港情有獨鍾的Clara明言很想來港闖影壇，問到最希望與哪位演員或導演合作，她認真地說：「我只係新人，唔應該揀擇，希望大家可以畀機會我，同邊個合作都開心嘅！」

Clara希望留港發展，在影壇「打」出名堂。	Clara初與古天樂合作，即被「暖男」電暈。	古天樂啱晒自己「杯茶」，但Clara坦言對異地戀冇信心！（設計圖片）

雖然被譽為「神級美女」，但Clara毫不錫身，拍《使》片搞到周身傷，但她大叫好玩，不諱言想繼續走打女路線。談到Fit爆身形，她透露主要食得清淡，戒食刺激性食物，每日還抽個半小時做運動！

另外，張家輝與吳鎮宇日前現身有線節目，談到主動提出改《使》片劇本，家輝坦言因鍾意這故事：「睇完初稿有啲想法，就搵導演傾傾，但只係改咗自己嘅部分！」鎮宇亦承認改劇本：「加多咗兩場戲畀家輝演，但片酬不變。」

化妝：Elaw Wong@thelook-studio.com

髮型：MarcoChan@marcochan.pro

場地：如心艾朗酒店

文：影視組