鄭欣宜1.5圈碌落山

歌手鄭欣宜昨日出席活動，剛從加拿大度假返港的她透露，在當地行山差錯腳險碌落山，並展示手上的傷痕，她說：「約咗幾個朋友行山，急住落山約咗人食飯，點知踩到唔穩嘅樹根，跣低咗整損手腳。（碌落山快過行落山？）係呀，快咗0.5秒。」並透露同行兩友人不停大叫：「佢哋企喺度笑，當起身又再踩到唔穩嘅石又再跌過兼碌多半個圈。（好彩夠肉地？）係呀。」欣宜透露此行擔任好友結婚姊妹，由於第三次做姊妹，即被取笑好易嫁唔出，她說：「百無禁忌。（幾時輪到你結婚？）天好公平，今年工作好順利，所以冇乜社交生活，順其自然。」