陳瀅怒踢鹹豬手
藝人陳瀅、歐陽震華（Bobby）、滕麗名、呂慧儀、胡定欣、袁偉豪及孫耀威等前晚錄影無綫遊戲節目《我愛香港》。陳瀅笑言有心理準備被玩：「讀書時最鍾意摸女同學，周圍摸，哈哈！不過，都試過畀男同學唔小心掂到胸部，即刻好嬲一腳踢埋去！」
Bobby對西環最有感情，當年與婆婆住的他笑說：「嗰陣未填海，一落樓就係海，又走上山玩，去啲水庫游水，上山捉金絲貓。（有冇試過裸泳？）試過，行到落水先除嘅，但係落到水就自然想屙尿，嗰陣十幾歲，同埋去沙灘浮台，成班男同學一齊除褲，哈哈！」Bobby最近有新廣告出街，但他笑言是鹹魚價：「廣告喺《一屋老友記》之前拍嘅，係鹹魚價，如果之後先拍要加價啦，哈哈！」
