梁裕恆咀爆麥凱程現「高潮眼」
【陳栢宇台灣直擊】十位候選港男昨日於台灣拍攝外景，(2)麥凱程（Alex）被眾男夾計整蠱，慘被玩輸遊戲的(3)梁裕恆（Flow）揀中要咀嘴。尷尬的兩男咀完又咀，Alex更被Flow啜到驚現「高潮眼」，HeHe味爆燈！其後兩人齊聲表示並非首次錫男仔，更曾被同性追求！
《2016香港先生選舉》十位候選猛男昨日在台灣屏東縣拍攝外景，身穿激貼單車戰衣的他們於第三日行程到了台灣最南點取景。候選港男即使在休息時間都不忘比併分高下，其中(2)「紋身法國仔」麥凱程（Alex）與(3)「爆肌消防員」梁裕恆（Flow）鬥快飲齋啡，Alex豪邁地一飲而盡，令Flow遭「秒殺」。接受懲罰的Flow之後抽中(6)馬俊傑（Linus）寫下的懲罰「揀一個最憎嘅人，輸咗就錫」，豈料Flow發現Linus寫錯「揀」為「棟」，令全場爆笑！
選擇「親吻」Alex的Flow先拉起對方培養情緒，起初兩人尷尬狂笑，Flow更叫Alex不准伸脷使出「法式濕吻」，但兩人摸摸面珠後便開始「進入狀態」。錫完嘴仔後，Flow更補飛再咀Alex面珠，令Alex露出「高潮眼」High爆表情，HeHe味爆燈！
預祝Auntie生日
之後身旁的(5)「羅天宇細佬」胡㻗突然手持紫色手袋走到兩人面前，原來是眾男得悉Alex媽媽快將生日後，夾計整蠱Alex，最後向身處法國的Alex媽媽預先送上禮物！被整蠱的Alex得悉真相後相當感動，他應記者要求與為計劃「獻吻」的Flow咀完再咀，似足一對Couple！
讚拍檔算「好咀」
Flow受訪時強調與Alex是好友，又指男男互咀絕不輕鬆，好在Alex都算「好咀」：「我唔係第一次錫男仔，玩遊戲試過。（試過畀男仔追？）我都幾多！佢哋都會Send啲特別嘅相同句子畀我。（有下體相？）咩都有啲啦！」而Alex就指之前亦曾在遊戲中親吻男生，問曾否被同性追求？他直認不諱：「試過，啲男仔成日Message我。」
文：影視組