千嬅駕到吳業坤跪低

歌手吳業坤假紅館舉行的處男騷《香港夏日流行音樂節 2016-KWANGOR LIVE IN HONG KONG吳業坤演唱會》前晚舉行，除有王祖藍、張智霖及台灣歌手盧廣仲擔任嘉賓外，楊千嬅亦壓軸現身，令坤坤嚇到跪地！坤坤說：「我畀佢哋呃晒，以為你唔得閒嚟。」千嬅其後與後輩分享經驗之談：「有時你身邊會出現唔同嘅聲音，但最緊要問你媽咪應該點做，因為佢最錫你，遲啲你就問老婆！」

另一嘉賓祖藍就笑言是來捉小精靈，更封坤坤做小精靈「傻鴨」：「佢憑自己嘅努力進化咗做隻棋，唔好睇小佢，佢攻擊力好強，最強嗰招係偽毒！」當張智霖出場時，坤坤要求與他拖手，張智霖即說：「咁好攣吓喎！」仍勉為其難碰一碰他的手。

桃紅色大隻佬

騷上坤坤有超過8個造型，最爆的是戴上黑超、額頭貼上退熱貼，再穿上桃紅色的「肌肉外套」，還走到緋聞女友Super Girls的Aka面前擺大隻佬pose。另一個令人難忘的造型，就是坤坤穿上半透明的雞翼袖連身褲，不但若隱若現，更似足旗袍！

坤媽	男兒膝下有黃金，不過千嬅的出現，好過有金執。	未夠肌肉的吳業坤，只好穿上這件臃腫外衣。

去到尾聲，坤坤表示希望儲夠30首歌後，可以再來紅館開騷。受訪時，提到他避開與Aka握手，坤坤就解釋要留些時間與另一邊的觀眾握手。

吳業坤的舞台服裝，至少做到娛樂性十足。

張智霖勉為其難與坤坤拖了一下。

文：音樂組　

攝：李柏儒