羅素攬杜可風密斟High爆舉V

奧斯卡影帝羅素高爾近日秘密來港，籌備一部荷里活大型警匪片，連日四出傾談新片的他，除與影后劉嘉玲飯局外，前晚又再出動，並相約著名攝影師杜可風及名人鄧永鏘等，前往中環晚膳。

一行人食了近三小時，至晚上約十一時才埋單離開。一身簡約打扮的羅素拉隊步出門口時，看來極為盡興，見他笑笑口與友人邊行邊傾。面額略紅的他似乎飲了兩杯，當發現記者在場時，貴為奧斯卡影帝的他毫無架子，還一臉興奮，又表現親民邊行邊向鏡頭揮手打招呼「SAY HI」，期間又高舉勝利手勢任影唔嬲。

沿途步向座駕時，羅素突然主動拉着杜可風及鄧永鏘，並企定定讓記者拍攝合照，臨上車前意猶未盡的羅素又與杜可風站於一旁密密斟咬耳仔，傾多一輪後二人才互相握手及擁抱道別。