蔡一鳳孕味濃年底送B回禮！
前亞視高層盛品儒太太蔡一鳳今日生日，表示恨收老公送的鑽石做禮物，還承諾給12月生日的盛品儒送上BB回禮，造人態度積極進取的她豪言：「仲有幾個月一定得！」現已增磅2kg兼上圍豐滿，孕味極濃。
盛品儒早前陪太太蔡一鳳到美國和日本旅行兼慶祝其舊曆生日，度假數星期叉足電返港。今日正日生日的她，表示去年收到老公送的大溪地旅行作禮，有朋友更到其珠寶店購買她設計的耳環做禮物，令她大為感動。
燉冬蟲草鵪鶉進補
問到會否叫老公盛品儒有樣學樣？她說：「建議老公唔好去我珠寶店買珠寶，買粒大鑽石畀我自己設計仲好。到佢年尾12月生日，我承諾送個BB畀佢，仲有幾個月，趕得切。依家佢日日游水做運動準備。（咁有信心係咪喺美國已造人成功？）有可能，唔知。（有冇進補？）奶奶教咗工人日日燉冬蟲草同鵪鶉畀老公飲，我都有飲，都肥咗2kg，出年就有好消息。」
望遊戲機生意上市
至於生日願望，她希望老公生生性性，事業有成。提到盛品儒近年全情投入做遊戲機生意，在泰國已成功上架並陸續進軍日本、印尼、台灣和香港市場，一鳳坦言過去兩年狂燒錢，但對老公充滿信心：「佢話每個成功男人屋企都有個好老婆，叫我少啲投訴，第日就有福享喎！我係門外漢，冇參與，但見佢好努力，每日返深圳開會，今次去日本都試玩當地嘅VR遊戲，半公半私，遊戲機呢行好特別，一直燒錢，但成功嘅話就可以好勁，佢目標係上市。」
文：名人組