林穎彤重遊成長地感觸爆喊

23歲無綫小花林穎彤（Bella）最近憑劇集《城寨英雄》的慘爆孖辮妹角色「鑫鑫」人氣急升，榮升宅男女神，同時被揭出身自單親家庭，一歲多時窮到曾陪母親行乞！劇中鑫鑫慘被輪姦至死，令萬千網民喊爆。

努力養媽咪

在葵興區成長的Bella接受專訪時帶讀者重遊成長舊地，包括港鐵站外的小食檔、兒時曾贏得歌唱比賽冠軍的葵青劇院，商場附近的公園則是她與母親經常遊玩的地方。

Bella在新劇演出令人眼前一亮，其實她10歲時已是童星，曾拍攝亞視劇《萬家燈火》，恰巧當年的造型也是孖辮妹。加入無綫六年的她，對於身世被揭，Bella受訪時不禁流淚。她說：「每個媽媽都會用盡方法想子女快樂成長，呢啲唔係唔光彩嘅事，唔會刻意去避。依家我大個，想媽咪享福，我會努力做嘢養番佢。」

林穎彤人氣急升，很開心得到觀眾支持。	林穎彤於小食店前拍照留念。	放大圖片

冧盡老中青

Bella直言家境困難，每逢遇到挫折，母親會盡力給予正面鼓勵。Bella哽咽地說：「媽咪咁難捱都捱過，我嗰啲算係咩？我本身喺屋企係收埋（感情）啲，但我心入面好錫佢，我知佢都知。（有咩感人時刻？）媽咪由細到大都好保護我，好多片段都好深刻，佢好少扮靚，慳自己，可能大家見我細個嘅相，我扮得咁靚，似係（家境）OK吖，其實唔係！記得有次我扮到好靚參加歌唱比賽，啲人問佢係咪我工人姐姐，諗番係好心痛亦好感動，知道媽咪為我犧牲好多。」專訪當日，有不少街坊向Bella索合照，包括婆婆、家長及小朋友，可見她冧盡老中青三代！

童年的林穎彤最愛與母親到公園玩樂。

林穎彤

文：影視組

服裝：Stunning Sgirls