吳綺莉踢爆個女有人追

吳綺莉昨日返dbc數碼錄節目,請得好友滕麗名任嘉賓,說到該電台將會結業,吳綺莉笑言有意轉行做司機:「有人叫我揸的士,我就話不如揸Uber。」

有人提議她節目最後一集邀愛女吳卓林撐場,吳綺莉說:「佢上過嚟節目啦,佢開始嬲我唔睬我。(點解?)佢依家見有人陪我食飯佢就會走。(佢拍緊拖?)Feel到佢有人追,唔可以爆佢大鑊。(佢拍拖會同帶畀你見?)佢啲朋友會帶返屋企,亦都會同我分享同咩人去街。」而滕麗名表示剛由馬來西亞回港,她說:「去睇咗個中醫,話我有高血壓,叫我小心,同膽固醇過高,其實平時感覺到少少暈,會再Check。」