Clara谷胸送吻Big走阿佘
佘詩曼（阿佘）前晚以露肩裝亮相主演電影首映禮，冷不防殺出來自韓國的女星李成敏（Clara），以一身低胸、大露背成功搶鏡，影大合照時阿佘更因人多關係被擠到「靠邊站」。阿佘自爆獲內地粉絲將其靚樣紋於身上「示愛」：「佢哋係熱情啲，唔會傷害我嘅。」
阿佘、古天樂、張家輝及吳鎮宇主演新片《使徒行者》前晚舉行首映禮，場面星光熠熠，除一眾主角外，不少無綫藝員包括胡定欣、江美儀、王君馨等亦亮相撐場。戲中客串扮演「sexy killer」的韓星Clara以黑色低胸大露背晚裝現身，盡騷34D火辣身材，送飛吻、拋媚眼，洶湧身材成功「Big」走阿佘，身為女主角的阿佘拍大合照時更被逼得「靠邊站」。
Clara說一身性感打扮，只是配合戲內角色造型需要，說到搶去阿佘風頭，Clara說：「唔好咁講，但多謝大家。」剛隨隊到北京宣傳的她，表示未有受最近盛傳的內地「禁韓令」影響，並說：「這個話題太敏感，不好回應，不過最近我在韓國的美容節目剛開始，所以沒有太多時間到內地。」
阿佘遇紋身狂迷
近日四出宣傳的阿佘，談到於內地遇上超熱情粉絲：「佢裸露咗上半身，露出咗我個樣嘅紋身，不過好快就畀人帶離場，佢仲將照片放上微博，可能佢好鍾意『釘姐』啩。（以前有冇遇過類似粉絲？）都係熱情啲，唔會傷害我嘅。」談到無綫有意開拍電視劇《使徒行者》續集，阿佘坦言若原班人馬參演，自己有興趣回巢效力。
文：影視組