myTV SUPER乘勝追擊直播意甲 法國波
無綫逾半百藝員昨日出席myTV SUPER記者會，慶祝短短四個月已吸逾50萬客戶，每位藝員皆獲贈一部機頂盒，皆大歡喜。無綫總經理鄭善強宣布以7位數購入beIN SPORTS兩條體育頻道，觀眾可在myTV SUPER欣賞意甲、法國及美職等足球賽事，大飽眼福。
無綫逾半百藝員、歌星包括許廷鏗、胡鴻鈞、張嘉兒、鄧佩儀、王卓淇、林穎彤、何艷娟、蔣家旻、胡楓、麥長青、蔡國威、袁潔儀及林韋辰等，昨日在將軍澳出席myTV SUPER記者會，無綫總經理鄭善強公布喜訊，指myTV SUPER面世不足四個月，用戶數量已超過50萬，並宣布國際體育頻道beIN SPORTS的兩條頻道已登陸myTV SUPER，觀眾可欣賞意大利甲組足球聯賽、法國甲組足球聯賽及美國職業足球大聯盟等體育賽事。現場每位藝員皆獲贈一部myTV SUPER機頂盒，隨時可安坐家中欣賞自己演出，皆大歡喜。
預計之內 成績理想
myTV SUPER短短四個月已吸逾50萬客戶，成績十分理想。問鄭善強是否預期之內？他說：「都係預期之內，兩個固網上客穩定，四個月後會有下個50萬客戶，理想、滿意，預計兩、三年內會有大概110萬客戶。」香港人喜歡睇波，問到奪得beIN SPORTS兩條頻道播放意甲、法國波的費用高昂嗎？他說：「正常價錢，７位數，其實幾抵。（遲啲會唔會爭英超播映權？）要睇自己嘅能力，好似客戶人數，呢方面我哋有信心。英超都講緊幾年之後，到時我哋嘅家居用戶人數會超過100萬、手機客戶有２、３百萬，但係都要睇價錢，如果價錢好似依家咁就幾難，依家嘅要求冇乜正常做生意可以畀到。」
許廷鏗：仲生勾勾
另外，日前發生交通意外的許廷鏗表示：「冇事，人安全，仲生勾勾好精靈。（有冇受傷？）事發咗一日，都冇乜特別唔舒服，但都會留意身體狀況，係當時有少少受驚，事發之後都有打畀屋企人求助，屋企人都嚇親，但為免佢哋擔心，所以冇講到咁嚴重，希望息事寧人，大事化小。依家交畀警方處理，過程唔講太多，肇事結果由警方交代。（有冇陰影？）咁又冇。」
文：影視組